• Беларусы звярнуліся ў сейм Літвы і просяць пахаваць Каліноўскага на радзіме

    Беларусы звярнуліся ў сейм Літвы і просяць пахаваць Каліноўскага на радзіме

    У cеціве з'явіўся зварот беларусаў у сейм Літвы. Прадстаўнікі грамадства просяць літоўскія ўлады пахаваць Кастуся Каліноўскага ў Беларусі. Onliner.by прыводзіць тэкст гэтага звароту

    «Вельмішаноўнае спадарства!

    Паважаныя парламентарыі і кіраўнікі Літоўскай Рэспублікі!

    Мы, прадстаўнікі беларускага грамадства, з вялікім хваляваннем успрынялі навіну пра адшуканне і ідэнтыфікацыю парэшткаў паўстанцаў 1863—64 гадоў на Замкавай гары ў Вільні.

    155 гадоў, якія прайшлі з часу паўстання, пацвердзілі: ахвяры мужных змагароў за свабоду не былі марныя. Суверэнітэт Беларусі, Літвы і Польшчы — сведчанне гістарычнай справядлівасці, здабытай крывёй нашых нацыянальных герояў.

    Годнае ушанаванне памяці тых, хто аддаў сваё жыццё за нашу і вашу свабоду, — адказнасць усяго нашага пакалення.

    Паўстанне 1863—64 гг. было барацьбой народаў Беларусі і Літвы за сваю свабоду.

    Канстанцін Каліноўскі быў найвыбітнейшым лідэрам гэтай барацьбы, беларускім народным правадыром, які загінуў за свабоду і годнасць.

    Мы разумеем, што Вы, народ Літвы, таксама расцэньваеце Канстанціна Каліноўскага як свайго героя. Мы разумеем і паважаем Ваша імкненне да таго, што пахаванне Канстанціна Каліноўскага павінна знаходзіцца ў адмысловым месцы — пантэоне змагароў за свабоду.

    Такое месца патрэбна і нам, беларусам. Мы лічым, што нашага нацыянальнага героя Канстанціна Каліноўскага варта пахаваць у Беларусі, і просім літоўскі народ разгледзець такую магчымасць.

    Беларускі народ перажывае сёння няпросты час, калі існуе шмат пагрозаў дзяржаўнай незалежнасці. Пахаванне Канстанціна Каліноўскага ў Беларусі стала б сімвалам і напамінам беларускаму народу, як трэба любіць сваю Бацькаўшчыну, свой народ, і як трэба за іх змагацца.

    Урачыстыя мерапрыемствы ўганаравання памяці паўстанцаў маглі б сёння яшчэ больш з’яднаць нашы народы, якія стагоддзямі мірна і дружна жылі ў адзінай магутнай дзяржаве.

    За нашу і вашу свабоду!»

    Зварот падпісалі Святлана Алексіевіч, Андрэй Горват, Лявон Вольскі, Зміцер Вайцюшкевіч, Зінаіда Бандарэнка і іншыя беларусы.

    Нагадаем, у 2017 годзе ў Літве былі знойдзены парэшткі дваццаці чалавек. Даследчыкі прыйшлі да канчатковай высновы, што сярод іх ёсць і парэшткі Кастуся Каліноўскага. Перазахаванне павінна прайсці ў лістападзе ў Вільнюсе.

    Читайте по теме:


    Вы должны залогиниться чтобы оставить комментарий!

    Комментарии: 6

  • Как выяснилось, ночью парень поругался со своей девушкой. Будучи в нетрезвом состоянии, свой негатив выместил на припаркованных возле подъезда авто, которые начал бить ногами.

    26 мая около 20:30 в Гродно на кольцевой развязке на проспекте Космонавтов произошло ДТП. Автомобиль BMW Х2 вылетел с кольцевой развязки, пропахал газон и разложился на нем колесами.

    К Международному Дню защиты детей Школа цифровых технологий «Форсайт» делает подарок и 1-го июня проводит бесплатный урок по цифровым технологиям для детей 5-17 лет!

    Строители уже приступают к укрупненной сборке и монтажу металлических пролетных строений. В этом году их уже уложат на опоры моста.

    Сотрудниками Госавтоинспекции оперативно установлено местонахождение другого автомобиля и личность управлявшего им водителя, указанного свидетелями ДТП. Появилось и видео аварии.

    Государство готово поддержать пострадавшие от пандемии организации, но не все. Об этом заявил Александр Лукашенко на совещании по вопросам оплаты труда бюджетникам.

    После открытия границы с Евросоюзом в ближайшем к Гродно пункте пропуска, в Брузгах, заработает электронная очередь.

    Все новости