• Сталіцы Беларусі

    • 110
    • 11 сентября 2009, 14:16
    • ГродноисториядатаБеларусьинтересно знать

    12 верасня адзначаецца свята беларускай сталіцы. Мінск у свядомасці беларусаў стала займае месца галоўнага гораду краіны. Аднак так было не заўсёды.

    У 1919 г. Горадня была сталіцай БНР.
    Толькі ў 20 стагоддзі на званне сталіцы Беларусі прэтэндавала адразу некалькі гарадоў. 25 сакавіка 1918 года была абвешчана незалежнасць БНР. Адбылося гэта ў Мінску, які на той момант з’яўляўся адным з цэнтраў беларускага нацыянальнага руху. Як горад, які знаходзіўся прыкладна ў цэнтры тэрыторыі, населенай беларусамі, стаў першай сталіцай сучаснай беларускай дзяржавы. Сталіцай БНР Мінск прабыў нядоўга. Ужо 1 студзеня 1919 года адбылося абвяшчэнне ССРБ са сталіцай ў Смаленску. Аднак Смаленск пратрымаўся толькі чатыры дні. Ужо пятага студзеня Мінск зноў становіцца сталіцай – на гэты раз Беларусі Савецкай. Тым часам урад БНР, уцякаючы ад бальшавікоў, пераязджае ў Вільню, а затым у Гродна. Менавіта Гродна да верасня 1919 года лічыўся сталіцай Беларускай Народнай Рэспублікі. Там жа ствараўся і Першы Беларускі Полк. Тым часам Мінск зноў страціў сталічны статус. У лютым 1919 года ССРБ была аб’яднана з Літоўскай ССР, а новай сталіцай беларуска-літоўскай дзяржавы стала Вільня. Што праўда, ненадоўга. Толькі да 30 жніўня 1920 года, калі адбылося другое абвяшчэнне Беларусі Савецкай, на гэты раз як БССР, са сталіцай у Мінску. З таго часу горад нязменна застаецца галоўным горадам Беларусі. Сталіцы Беларусі: Мінск (сталіца БНР) – 25 сакавіка 1918 – снежань 1918 Смаленск (сталіца ССРБ) – 1 студзеня 1919 – 5 студзеня 1919 Мінск (сталіца ССРБ) – 5 студзеня 1919 – люты 1919 Гродна (сталіца БНР) – люты 1919 – верасень 1919 Вільня (сталіца ЛітБел ССР) – люты 1919 – жнівень 1920 Мінск (сталіца БССР) – 30 жніўня 1920 – 19 верасня 1991 Мінск (сталіца РБ) – ад 19 верасня 1991 года.

    Алесь Пілецкі, "Наша Ніва"

    А як лічыце вы, якім быў б наш горад калі б ён застаўся сталіцай Беларусі? Што яго б чакала: сьветлая будучыня ці зьнішчэньне падчас другой сусьветнай вайны?

    Вы должны залогиниться чтобы оставить комментарий!

    Комментарии: 10

  • Самое популярноеСамое обсуждаемое
  • За неделюЗа месяц