• Новае жыццё гербу Рэчы Паспалітай у Гродна

    • 1100
    • 06 июня 2013, 11:44
    • Гродноисториясобытияфотоинтересно знатьмузей

    Каменны картуш з гербам адрэстаўравалі і паставілі на гранітны пастамент ля ўваходу ў гарадзенскі Новы замак, перадае "Твой Стыль". Поруч з ім з’явілася дошка з тлумачэннямі на беларускай і польскай мовах. Ініцыятарам і спонсарам выступіў гарадзенскі бізнэсмэн Фелікс Гавін, справу падтрымала Міністэрства культуры і нацыянальнай спадчыны Польшча. Картуш часоў Аўгуста ІІІ калісці ўпрыгожваў фасад Новага Замку. Аднак у сярэдзіне ХІХ ст., падчас перабудовы каралеўскага палацу для патрэбаў расейскага вайсковага шпіталя, герб быў дэмантваны, разбіты і забыты... Сам палац быў спалены падчас Першай сусветнай вайны і канчаткова перабудаваны ў стылі ампір ужо савецкімі архітэктарамі як абкам партыі. герб Рэчы Паспалітай, Новы замак Гродна

    “Недзе ў 2009 г., калі я яшчэ працаваў тут на пасадзе консула Польшы, - расказвае Марэк Малюх (на здымку), кіраўнік аддзелу культурнай спадчынны ў замежжы мінкульта Польшчы, - журналіст Іваноўскі зладзіў мне неяк экскурсію па “невядомым” Гродне.
    Пад сценамі Старога замку сярод травы мы ўбачылі гэты картуш: маладыя людзі тады прыносілі да яго кветкі ды знічкі… Пасля таго, як я зайшоў да дырэктара музея, яго прынамсі перанеслі пад дах Новага Замку, дзе ён ляжаў апошнія пару год”. герб Рэчы Паспалітай, Новы замак Гродна Зараз над аднаўленнем помніка працуе кваліфікаваны рэстаўратар з Варшавы Радаслаў Тушня (на здымку справа). Стан картуша ён ацэньвае як даволі дрэнны:
    “Уся паверхня пакрытая хімічнымі ды арганічнымі наслаеннямі, якія глыбока сядзяць у структуры камня. Усё гэта мы адмывалі з дапамогай хіміі і вады. Зараз дачышчаю ўручную”.
    герб Рэчы Паспалітай, Новы замак Гродна На дадзены момант картуш з’яўляецца некамплектным, бракуе некаторых частак. Са словаў рэстаўратара, добра бачны спосаб эксплуатацыі: куды ліў дождж, калі ён яшчэ быў на фасадзе, якая частка выставала з зямлі, калі картуш быў скінуты. герб Рэчы Паспалітай, Новы замак Гродна
    “Цікава, - працягвае сп. Радаслаў, - што сляды расчэпу бачныя акурат на зломе: магчыма гэта сведчыць аб тым, што яго нехта склейваў ужо пасля дэмантажу з фасаду”.
    герб Рэчы Паспалітай, Новы замак Гродна герб Рэчы Паспалітай, Новы замак Гродна Асноўныя працы былі скончаныя сёння і герб ужо стаіць на пастаменце. Заўтра рэстаўратар працягне працы па кансервацыі картуша, а за некалькі тыдняў варта чакаць афіцыйнага адкрыцця. “Дай Божа, каб гэта стала пачаткам нашай сталай супрацы,” – рэзюмуе Марэк Малюх. герб Рэчы Паспалітай, Новы замак Гродна герб Рэчы Паспалітай, Новы замак Гродна Здымкі Яна Лялевіча

    Вы должны залогиниться чтобы оставить комментарий!

    Комментарии: 100

  • Самое популярноеСамое обсуждаемое
  • За неделюЗа месяц