У лістападзе і снежні 2016 года ў 25 школах Гродзенскай вобласці пройдуць спецыяльныя ўрокі сацыяльнага праекта «Чытаем па-беларуску з velcom». У школы і гімназіі Гродна, Ліды, Слоніма, Ваўкавыска, Смаргоні і Навагрудка прыедуць вядомыя пісьменнікі і тэлевядучыя. Спецыяльны ўрок праекта адбудзецца ў гродзенскім Новым замку і будзе прысвечаны 125-годдзю з дня нараджэння класіка беларускай літаратуры Максіма Багдановіча.

Год назад кампанія velcom пры падтрымцы Міністэрства адукацыі Рэспублікі Беларусь ініцыявала сацыяльны адукацыйны праект па папулярызацыі беларускай мовы і літаратуры – «Чытаем па-беларуску з velcom». За гэты перыяд незвычайныя інтэрактыўныя ўрокі прайшлі ў 80 школах Мінска, Гомельшчыны і Берасцейшчыны.

Настаўнікамі на такіх уроках для вучняў 2-3 класаў выступаюць вядомыя беларускія пісьменнікі, паэты і акцёры: Уладзімір Ліпскі, Раіса Баравікова, Юрый Жыгамонт, Алена Масла, Наталля Бучынская. Таксама настаўнікамі праекта часта становяцца і беларускія спартоўцы, акцёры і тэлевядучыя.

fota-1

Спецыяльны ўрок праекта «Чытаем па-беларуску з velcom» будзе арганізаваны 16 лістапада ў Гродна. Ён будзе прысвечаны творчасці Максіма Багдановіча, 125-годдзе з дня нараджэння якога будзе адзначацца 9 снежня. У горадзе над Нёманам класік беларускай літаратуры пражыў некалькі гадоў. На ўроку для малодшых школьнікаў, які пройдзе ў Новым замку, вядомыя гарадзенцы прагартаюць старонкі біяграфіі Максіма Багдановіча і прачытаюць яго вершы.

fota-2

«З праектам «Чытаем па-беларуску з velcom» я знаёмы. Радасна сустракаць яго і ў Гродна. Мэты яго зразумелыя і простыя. Прысвяціць урок Максіму Багдановічу або якому-небудзь іншаму літаратару – безумоўна, удалая спроба пазнаёміць дзяцей з творчасцю класіка ці сучасніка. Спадзяюся, многія дзеці пранікнуцца, зацікавяцца і будуць памятаць пра гэтую падзею. Таму такія праекты павінны быць. Проста таму што яны вызначаюць нас як нацыю, вызначаюць беларускую самаідэнтычнасьць», – адзначыў Юрый Віктаравіч Кітурка, дырэктар Гродзенскага дзяржаўнага гісторыка-археалагічнага музея.

Чакаецца, што да канца 2016/2017 навучальнага года ў рэспубліканскім праекце «Чытаем па-беларуску з velcom» прымуць удзел каля 150 школ і больш за 20 000 вучняў па ўсёй Беларусі. Арганізатары «Чытаем па-беларуску з velcom» адгукваюцца на запыты аб правядзенні ўрокаў ад устаноў адукацыі. Так, на Гродзеншчыне каманда праекта наведае сельскую беларускамоўную школу ў аграгарадку Квасоўка.


Читайте также:

  1.  КарОндаш

    0

    0

    Чигапартосызадые, а-у-у-у-у))) Фас!!!

  2.  4004

    0

    0

    Юрый Жыгамонт нават!

Оставить комментарий


Вы должны залогиниться чтобы оставить комментарий.


Поиск


Популярное за неделю



Афиша Гродно

Отдых в Гродно




Отзывы о заведениях






  • Архив

    Февраль 2018
    ПнВтСрЧтПтСбВс
    « Янв  
     1234
    567891011
    12131415161718
    19202122232425
    262728 

  • Вчера: идет загрузка... посещения, идет загрузка... просмотров страниц. По независимым данным Яндекс.Метрики, без учета гостевого доступа провайдеров.