• Музей пачвараў у Гродне

    • 7310
    • 13 марта 2010, 19:46
    • Гродноинтересно знатьмузей

    Мала хто ведае, але аналаг кунсткамеры існуе і ў Беларусі, у горадзе Гродна. Тут у 2000 годзе пры кафедры анатоміі чалавека Гарадзенскага дзяржаўнага медыцынскага ўніверсітэта адкрыўся музей тэраталогіі (тэраталогія - навука пра пачварнасці). Будынак кафедры знаходзіцца ў цэнтры горада і з'яўляецца адной з найстарэйшых пабудоў у Гродне: ёй на сто гадоў больш, чым знакамітаму фарнаму касцёлу 1705 года. Апошняя рэстаўрацыя будынка была ў 1886 годзе. Кандыдаты навук і прафесары працуюць у пакоі, у якім у свой час была галерэя караля Аўгуста II. Гарадзенскі музей мае два залы. У першым - аддзел звычайнай анатоміі - утрымліваюцца экспанаты органаў чалавека. Тут можна параўнаць печань здаровага чалавека з печанню чалавека, які пакутуе на атлусценне, лёгкія здаровага чалавека і курца са стажам. Другая зала - аддзел паранармальной анатоміі - утрымлівае экспанаты анамалій чалавечага цела. Усяго ў музеі маецца каля 100 экспанатаў, якія прыбылі з Мінска, Санкт-Пецярбурга, сёе-тое ёсць і з Гродна. Загадчык музеея Юрый Кісялеўскі кажа, што цяпер абнаўленне музея практычна не ажыццяўляецца:

    - Ультрагукавое даследаванне дазваляе маці на ранніх тэрмінах убачыць, як развіваецца плод. Калі лекар-узіст выяўляе анамалію развіцця, ён папярэджвае бацькоў. І яны прымаюць рашэнне: перапыніць цяжарнасць ці не. Часцей за ўсё, робяць аборт.
    Сезон наведвальнікаў у гарадзенскую кунсткамеру пачынаецца ў кастрычніку. Максімум за месяц у музеі бывае 230 наведвальнікаў. Галоўным чынам гэта школьнікі і студэнты. Шырокаму кругу пра існаванне музея невядома: няма ні рэкламы, ні запрашэнняў. Кошт квітка складае 3.500 рублёў. Працэдура аплаты складаная. Трэба дамовіцца пра час экскурсіі, сабраць не меней дзесяці чалавек у групу, аплаціць паслугі экскурсавода ў банку і толькі тады з квітанцыяй можна патрапіць у музей. Зразумела, што для турыстаў гэта працэдура доўгая. Тым больш музей працуе толькі па буднях: з 10.00 да 18.00. Улетку кафедра анатоміі сыходзіць у адпачынак, таму патрапіць у музей немагчыма. Экскурсіі тут праводзяць прафесіяналы: выкладчыкі кафедры. Яны тлумачаць наступствы, з-за чаго дзіця нарадзілася такім. Кажуць пра вонкавыя і ўнутраныя чыннікі.
    - На нараджэнне дзіцяці ўплывае не толькі экалогія, забруджанае навакольнае асяроддзе, але і соцыум, побыт, у якім жыве чалавек. І, вядома ж, шкодныя звычкі, - тлумачыць Юрый Кісялеўскі.
    Арганізатар экскурсій Таццяна Татун распавядае, што рэакцыя ў наведвальнікаў неадназначная:
    - Ёсць тыя, хто спакойна і разумна ацэньвае экспанаты, але, вядома, сустракаюцца і вельмі ўспрымальныя людзі. Па сваім досведзе скажу, што прытомнась часцей губляюць мужчыны. Але самае галоўнае, што ўбачанае і пачутае прымушае перагледзець свой лад жыцця. Часта наведвальнікі кажуць, што кінуць паліць і больш не будуць піць піва.
    Цяпер супрацоўнікі кафедры анатоміі чалавека шукаюць фундатараў:
    - Мы хочам зрабіць паўнапраўны музей у асобным памяшканні. Гэта будзе ў склепе будынку, ён ужо расчышчаны і падрыхтаваны да пераезду экспанатаў. Але трэба зрабіць адпаведны інтэр'ер, для кожнага прэпарата патрэбна падсвятленне. Увогуле, ёсць ідэі і жаданне зрабіць наш музей агульнадаступным для ўсіх ахвотнікаў, - прызнаецца загадчык музея.
    //Moladz.org

    Читайте по теме:


    Вы должны залогиниться чтобы оставить комментарий!

    Комментарии: 10

  • С момента появления указа, позволяющего инвалидам 1-й и 2-й групп и многодетным семьям растаможивать авто с уплатой 50% пошлины, прошло около восьми месяцев. Cколько просят за услуги те, кто поставил...

    Сотни вкладышей от жвачек! Мечта школьников, которые не знали, что такое смартфон и интернет. Это ностальгическая статья Onliner.by о нехитром богатстве детей 1990-х.

    Бывшая деревня Солы, входящая в городскую черту, одна из немногих, которая держит оборону от наступающей цивилизации. Солы на берегу Немана продолжают жить тихой, размеренной жизнью, рассказывает «Вечерний...

    В рамках благоустройства территории рядом с замком в Гольшанах бульдозеры уничтожили и повредили могильник XIV века. На месте, где работала техника, археологи нашли женский череп, кости и украшения.

    Екатерина Долговская уехала из Калининграда вместе с мужем в августе 2018 года. Живёт в деревне под Слонимом в Гродненской области. Познакомьтесь с интересным взглядом на нас с вами со стороны.

    В своем комментарии Слонимская ЦРБ сделала акцент именно на форме подачи еды и привела в пример свои фото обедов, которыми кормят в больнице.

    Талончик с воскресенья будет стоить на 5 копеек больше: в киоске — 60 копеек, у водителя — 65. Увеличатся цены и на проездные билеты. Но есть возможность немного сэкономить, если вы ездите много.

    Все новости